[l5₇2]

DE LA VILLE DE PARIS.

tard; auquel sieur Prevost des Marchans Sa Majesté auroit declaré en la presence de la Royne, sa Mere, et de Monseigneur le duc D'Anjou, son Frere, et autres Princes et Seigneurs, avoir esté adverty que ceulx de la Nouvelle Religion se voulloient eslevcr par conspiration contre Sad. Majesté et contre son Estat, et troubler le repos de ses subjectz et de sad. ville de Paris; que Sad. Majesté auroit plus amplement et particulliairement faict entendre à icelluy s^r Prevost des Marchans; et comme ledict soir aulcunz grandz de laditte Nouvelle Religion et rebelles avoient ensemble conspiré contre luy et sond. Estat ct jusques à avoir mandé à Sad. Majesté quelques propos haultains et sonnans en menasses; à quoy il auroit dict au s^r Prevost des Marchans voulloir et donner ordre pour la seuretté de la Royne sa Mere, Messieurs ses Freres, et de son Royaume, paix, repos et tranquilité de la ville et de ses subiectz;

Et pour prevenir lesd, conspirations et empescher l'execution de leur mauvais voulloir, auroit enjoinct et commandé au sieur Prevost des Marchands de se saisir des clefz de toutes les portes de lad. ville, et les faire soigneusement fermer à ce que nul ne peust entrer ne sortir d'icelle; et faire tirer tous les basteaulx du costé de lad. ville, et iceulx fermer de leurs chesnes et deffendre ct empescher que nul n'eust à y passer; et se mettre en armes tous les capitaines, lieutenans, enseignes et bourgeois des quartiers et dixaines d'icelle ville, capables de porter armes; et iceulx faire tenir prestz parles cantons et carrefours de lad. ville, pour recepvoir et executer les commandemens de Sad. Majesté, ainsy qu'il en seroit besoing et necessité;

Avec commandement de Sad. Majesté, que led. s^r Prevost des Marchans et Mess" les Eschevins de la Ville eussent à tenir la main dilligemment à l'exe-

cution de ce que dessus, et aussy de faire tenir l'artillerie de lad. Ville preste tant dedans l'Hostel d'icelle Ville que devant icelluy sur la place de Greve, pour la deffence et tuition d'icelluy Hostel et Maison de Ville, et pour porter et mener ou besoing seroit;

Et que Saditte Majesté commanderoit, avec plusieurs autres commandemens par luy faictz; tant' aud. s^r Prevost des Marchans particulliairement que à luy et ausd, sieurs Eschevins ensemblement et Corps de lad. Ville.

Ce que led. s^r Prevost auroit faict entendre ausd. Eschevins et Corps d'icelle Ville, Conseillers, Quarteniers et autres que besoing auroit esté; à tous lesquelz commandemens et injonctions de Sad. Majesté lesd, s" Prevost des Marchans, Eschevins, Conseillers, Quarteniers et autres Officiers de lad. Ville, auroient obey et iceulx commandemenz executez le mieux qu'il leur auroit esté possible dès le samedy au soir et la nuict, suivant le commandement de Sa Majesté; et du tout auroient d'heure en heure rendu compte et tesmoignaige à Sad. Majesté. Et pour l'execution de ses commandemens, lesd, s™ Prevost des Marchans et Eschevins auroient faict expedier par le Greffier de lad. Ville plusieurs Mandemens et Ordonnances aux Quarteniers, archers, harque-bouziers, arbalestriers, et autres Officiers d'icelle, cy après transcriptz, comme il estoit besoing et necessaire et qui leur estoit commandé : lesquelz auroient esté envoiez et portez le lendemain dimenche, vingt quatrieme jour dudict mois, jour de sainct Berthelemy, de fort grand matin : ausquelz Mandemens chacun desd. Officiers et Bourgeois de lad." Ville auroient semblablement obey, pour empescher et obvier ausd, dangers et inconveniens cy dessus, et pourveoir à la seuretté de laditte Ville.

XVIII. — Ensuit la teneur desd. Mandemens cy dessus mentionnez.

Bourgeois en armes.

2/1 août 1572. (Fol. 8 r°.)

Be par les Prevost des Marchans et Eschevins de la Ville de Paris.

"Sire Jacques Kerver, Quartenier de lad. Ville, appelez voz Cinquanteniers et.Dizainiers, et avec eulx faittes commandement, de par le Roy, à tous les bourgeois, manans et habitans de vostre quartier

suffisans et capables de porter armes, d'eulx trouver tous presentement, armez des armes dont ilz se pourront mieulx aider, devant l'Hostel d'icelle Ville avec nous, pour le service du Roy, repos et seureté de cested. Ville, suyvant le trés exprès commandement dudict Seigneur : sans y fere faulte, sur peine de la vie. . ....